ქუთაისში მოსკოვის ქუჩას შინდისის გმირების სახელი დაერქმევა

გადაწყვეტილება დღეს ქუთაისის მუნიციპალიტეტის საკრებულოს ეკონომიკის, ქონების მართვისა და საქალაქო მეურნეობის კომისიამ მიიღო. სხდომას კომისიის თავმჯდომარე, გიორგი ჭეიშვილი უძღვებოდა.

კომისიის წევრებმა იმსჯელეს ქალაქ ქუთაისში მოსკოვის ქუჩისთვის სახელწოდების შეცვლის და შინდისის გმირების სახელის მინიჭების თაობაზე. აღნიშნული საკითხი ქუთაისის მერიის პატივგებისა და სახელდების კომისიამ, 2021 წლის 17 თებერვლის N18 სხდომაზე, ქალაქის მერის წარდგინებით განიხილა და დადებითად შეაფასა.

მოსკოვის ქუჩისთვის სახელის შეცვლის გადაწყვეტილებას ეკონომიკის ქონების მართვისა და საქალაქო მეურნეობის კომისიის წევრებმა მხარი დაუჭირეს.

Vinkmag ad

გიზო ბანძელაძე

Read Previous

ირაკლი ღარიბაშვილი – “გვარს არ აქვს მნიშვნელობა, სადაც არ უნდა იმალებოდეს, ვერ დაემალება მართლმსაჯულებას, კანონი უნდა აღსრულდეს!”

Read Next

აშშ საელჩო მელიას დაკავებით შეშფოთებულია