ქუთაისში 60 დევნილ ოჯახს ბინები გადასცეს

ნგრევად შენობებში მცხოვრები 60 დევნილი ოჯახი ქუთაისში, ახალაშენებულ კორპუსებში ბინის მფლობელი გახდა. იძულებით გადაადგილებულ ოჯახებს ახალი ბინების გასაღები დევნილთა სააგენტოს დირექტორმა ბესარიონ სიმონიშვილმა და იმერეთის რეგიონის სახელმწიფო რწმუნებულმა ზვიად შალამბერიძემ გადასცეს. ხელისიფლების წარმომადგენელთა განცხადებით, ავარიულ შენობებში, მძიმე პირობებში მცხოვრები დევნილების განსახლება სახელმწიფოსთვის პრიორიტეტს წარმოადგენს.
ბოლო ერთი წლის განმავლობაში, იმერეთის რეგიონში დევნილთა საცხოვრებელი 28 ნგრევადი ობიექტი უკვე დაიხურა. ბოლო 8 წლის განმავლობაში კი საქართველოს მასშტაბით, სხვადასხვა პროგრამის ფარგლებში, საცხოვრებელი 23 000-მდე დევნილ ოჯახს გადაეცა. 2021 წელს, ახალ საცხოვრებელს, დამატებით 3500-მდე იძულებით გადაადგილებული ოჯახი მიიღებს.

Vinkmag ad

გიზო ბანძელაძე

Read Previous

ზვიად შალამბერიძე – ,,აუცილებელია ეპიდვითარების სტაბილიზაციის ტენდენციის და შეზღუდვების შემსუბუქების რეკომენდაციების ზედმიწევნით დაცვა”

Read Next

ბოლო 24 საათში იმერეთში კორონა ვირუსის – 52 შემთხვევა დაფიქსირდა